قد تحتارين فى العنايه بشعرك بجسمك باناقتك ورشاقتك وشعرك ,, هنا اضع بين يديك ملف للعنايه بالبشره والجسم والشعر لعيونكم اخواتى الحبيبات
أولاً نبتدي بالبشــره :
البشره هى مرآة الوجه والعنايه بها نصف الجمال فنبداء بالعنايه بها
اولا حمام البخار :
اعملى حمام بخار لوجهك مره اسبوعيا على الاقل فى جهاز بخار بيتباع رخيص ولتحصلي على افضل النتائج حطى مع المياه نعناع وغطي وشك بفوطه وبعدها بربع ساعه افصلي الجهاز وحطي على وشك لوشن او ميه ورد
والترمس المطحون ايضا رائع للوجه والجسم كمقشر هاتى ترمس مطحون واخلطيه بماء او حليب يكون افضل لحد ما يبقى عجينه وبعدين افركي بيه وجهك لمده دقيقتين وسيبيه على وشك لحد ما يجف خالص واشطفيه بماء دافئ بعدها
ثالثا البثور السوداء فى الانف والجبهه
هاتى حبه بركه مطحونه وحطي عليها لبن لحد ما تبقى عجينه وافركي وجهه وانفك بها جيدا وبعدها اشطفى وجهك وحطى عليه قناع طمي مغربي واشطفيه بعد 10 دقائق حتلاقي نتائج رائعه
الهالات السوداء تحت العين
لا شئ افضل من ماسك البطاطس وهو انك تجيبي بطاطس وتقطعيها دوائر وتسلقيها وبعدها حطيها على عينك لمده ربع ساعه تعطي نتائج مذهله
وايضا الشاي الباكيت زي ليبتون وغيره بعد ما يستخدم الكيس حطيه فى الفريزر ربع ساعه واعمليه كمادات على عينك لربع ساعه
اولا الترمس المطحون : هاتى كميه ترمس كبيره مطحون طبعا وهو بيتباع عند العطارين واخلطيه بماء ورد وحليب وافركي بيه جسمك كله افكريه لمده ربع ساعه ثم اتركيه على جسمك لمده نصف ساعه حتلاقيه شد اوى ونشف جدا عادى هو الترمس كده بعدها اشطفى جسمك بماء دافئ بدون صابون وحتشوفي الفرق المفروض نعمل الماسك ده مره فى الاسبوع
ملحوظه: الترمس ايضا يعالج البهاق وغيره من الامراض الجلديه عافانا الله منها
الوصفه التانيه : الصابون المغربي وده موجود فى كل عطاره وكل محل تجميل هاتى الصابون المغربي سواء قطع او سائل وحطيه على جسمك كله وافركي باليفه المغربيه وبعدين اشطفى جسمك بماء دافئ وبعدها رطبي جسمك باى لوشن ويستحسن زبده الكاكاو من فازلين رائعه للجسم
صابون زيت الزيتون : روعه جدا للجسم وطبعا ده موجود فى مصر كتير اوى زي نابلسي وغيره ده مفيد اوى اوى للشعر والجسم كمان
نصيحه عموما ليكي فى الاعتناء بجسمك
خلى الصابون اللى بتستخدميه دايما يكون صابون طبيعي زي المغربي او زيت الزيتون او الغار وغيره وده بدل صابون لوكس والكلام ده لا ده مليان كيماويات بتبهدل جسمنا اما الصابون الطبيعي فكله فوائد ومره على مره بيخلى جسمنا روعه فى نعومه ونضاره جلد الاطفال
وصفه لتفتيح الاماكن الغامقه فى الجسم :
فيه صابونه اسمها البابايا موجوده فى مصر الصابونه دى رائعه لتفتيح الاماكن الغامقه وطريقه استعمالها انك بدعكي بيها المناطق الغامقه وبتسيبيها عليها دقيقتين وتشطفى عادى بعدها ان استمريتي عليها شهر كامل بتخلى اى سواد فى جسمك يزول نهائيا
وصفه تانيه طبيعيه برضه
زيت الورد بتجيبيه من اى عطار وهو رخيص جدا وهاتى قطنه وادهنى بيها على المناطق السودا فى الجسم قبل النوم ونامى بيه عادى ولما تصحي اشطفيه او امسحيه بمنديل
ده بيقششر الخلايا الميته وبيخلي السواد يروح
وصفات لنعومه اليد والقدم
نبدا باليد :
ملعقتين سكر خشن وملعقتين كريم نيفيا او دوف او غيره وادعكي بيها يدك لمده ربع ساعه او زي ما تحبي وبعدها اشطفى ايدك وحطى عليها كريم مرطب حتلاقي ايديكي ناعمه جدا ولو فيها اى تشقق او خشونه حتزول
القدم : طبعا كتير مننا بيعانوا من خشونه الكعب الحل هو
هاتى مياه سخنه على اد ما تستحليها وحطي فيها نعناع جاف وشامبو وسيبيها لحد ما الميه تبرد وافركي رجلك بالحجر ثم رطبيها بكريم
اخر حاجه تعطير الجسم
ازاى تخلى جسمك على طول معطر طبيعي بدون برفان لزوجك او لنفسك
روحي عند اى محل عطور وقوليله عايزه 5 مللى زيت عطري اى ريحه انتى عايزاها بس الافضل المسك والعود والبخور وبعدين روحي البيت املى ميه فى اى حاجه ميه دافيه بس تكون حوالى لترين ميه ونقطي في الميه دي نقطتين من العطر اللى معاكى وبعدها استحمى بالميه دى او اشطفى جسمك بيها بعد الحمام يكون افضل وحتلاقي ريحه جسمك كلها معطره وجمييييييييييله جدا وتدوم يومين كاملين وعلى فكره العطر مش حيجيب حساسيه لانك بتحطى 3 نقط على لترين ميه بس بجد وصفه رائعه
فيه وصفه تانيه واللى هى بعد ما تستحمي وتنشفي كويس هاتى بودره الاطفال من جونسون او اي بودره معطره وحطيها على جسمك كله وبعدها رشي على جسمك معطر جسم بدون كحول اللى هو بدي سبلاش والبسي هدومك عادى حتشوفي بنفسك ريحه جسمك حتبقى عامله ازاى وبتقعد يومين كده
وعلى فكرة مش بتظهر الريحة من فوق الهدوم
